MUSTAQILLIK — G‘URURIMIZ, BIRLIGIMIZ VA BUYUK KELAJAGIMIZ POYDEVORI

▶️ “Qizilqum fosforit kompleksi” MChJda O‘zbekiston Respublikasi davlat mustaqilligining 35 yilligi munosabati bilan “Vatan uchun, millat uchun, xalq uchun!” shiori ostida tantanali bayram tadbiri o‘tkazildi.

✔️ Tadbirni korxona bosh direktori Denis Valeryevich Petropavlovskiy kirish so‘zi bilan ochib, jamoani ulug‘ va qadrli sana — Mustaqillik bayrami bilan samimiy muborakbod etdi. U o‘z nutqida yurtimiz taraqqiyotiga munosib hissa qo‘shib kelayotgan fidoyi ishchi-xodimlarning mehnatini alohida e’tirof etib, barchaga mustahkam sog‘lik, oilaviy farovonlik va kelgusi faoliyatida muvaffaqiyatlar tiladi.

🔹 Ko‘tarinki ruhda tashkil etilgan bayram dasturidan kuy-qo‘shiqlar, jozibali shou dasturlari hamda ishtirokchilarga zavq va quvonch ulashgan qiziqarli o‘yinlar o‘rin oldi. Faol qatnashgan ishchi-xodimlarga esdalik sovg‘alari taqdim etildi.

Shuningdek, ishchi-xodimlar uchun bayram dasturxoni yozilib, osh tarqatildi.

🟡 Mustaqilligimiz abadiy, yurtimiz tinch, xalqimiz farovon bo‘lsin! 🇺🇿